ஆடி மாதத்தில் தேடி வரும் விரத வழிபாடுகள்

ஆடி மாதத்தில் தேடிவரும் திருவிழாக்களை நாம் கொண்டாடி மகிழ்ந்தால், கோடி புண்ணியம் நமக்குக் கிடைக்கும். கோலாகல வாழ்க்கை அமையும்.

ஆடி மாதம் 7-ந் தேதி (23.7.2017) ஞாயிற்றுக்கிழமை ஆடி அமாவாசை. அன்றைய தினம் விரதமிருந்து கடலில் நீராடுவது சிறப்பு. முன்னோர் வழிபாடும் முன்னேற்றம் தரும்.

ஆடி மாதம் 11-ந் தேதி (27.7.2017) வியாழக்கிழமை ஆடிப்பூரமும், நாக சதுர்த்தியும் வருகிறது. அன்றைய தினம் விரதமிருந்து அம்பிகை வழிபாட்டையும், அரவு வழிபாட்டையும் செய்தால் அதிர்ஷ்டம் தரும்.

ஆடி மாதம் 12-ந் தேதி (28.7.2017) வெள்ளிக்கிழமை கருட பஞ்சமி. அன்றைய தினம் விரதமிருந்து கருட வழிபாடும், விஷ்ணு வழிபாடும் கனிந்த வாழ்க்கையை அமைத்துக் கொடுக்கும்.

ஆடி மாதம் 18-ந் தேதி (3.8.2017) வியாழக்கிழமை ஆடிப்பெருக்கு. அன்றைய தினம் விரதமிருந்து வழிபாடு செய்தால் தொட்ட காரியங்கள் அனைத்திலும் வெற்றி கிடைக்கும்.

ஆடி மாதம் 19-ந் தேதி (4.8.2017) வெள்ளிக்கிழமை வரலட்சுமி விரதம். அன்று லட்சுமியை விரதமிருந்து வழிபட்டால் செல்வம் பெருகும்.

ஆடி மாதம் 20-ந் தேதி (5.8.2017) சனிக்கிழமை சனிப்பிரதோஷம். அன்றைய தினம் விரதமிருந்து நந்தியை வழிபடுவது சிறப்பு தரும்.

ஆடி மாதம் 22-ந் தேதி (7.8.2017) திங்கட்கிழமை ஆடிப் பவுர்ணமி. அந்த நாளில் விரதமிருந்து கிரிவலம் வந்தால் கீர்த்தி பெருகும்.

ஆடி மாதம் 29-ந் தேதி (14.8.2017) திங்கட்கிழமை கோகுலாஷ்டமி. கண்ணன் விரத வழிபாடு கவலையைப் போக்கும்.

ஆடி மாதம் 30-ந் தேதி (15.8.2017) செவ்வாய்க்கிழமை ஆடி கிருத்திகை. வள்ளி மணாளனை விரதமிருந்து வழிபட்டால் வளங்கள் குவியும்.